Да нас у госці завітала выпускніца мінула года Нядвецкая Кацярына. Зараз яна з’яўляецца студэнткай філалагічнага факультэта Брэсцкага дзяржаўнага ўніверсітэта імя А. С. Пушкіна і  атрымлівае прафесію па спецыяльнасці “Беларуска філалогія. Літаратурна-рэдакцыйная дзейнасць”. Разам са сваёй аднакурсніцай Яська Маяй Кацярына правяла прафарынтацыйнае мерапрыемства, у ходзе якога пазнаёміла будучых выпускнікоў нашай школы з філалагічным факультэтам. Нашым вучням пашанцавала ўдвайне, таму  што на разам з дзяўчатамі на гэтай сустрэчы прыстутнічаў  кандытат філалагічных навук Сеньквец Уладзімір Адамавіч, які пэўны час працаваў дэканам філалагічнага факультэта. Уладзімір Адамавіч распавёў вучням пра гісторыю факультэта, яго знакамітых выпускнікоў, пра студэнцкае жыццё  філолагаў.  Атрымалася цікавая і душэўная размова, вынікам якой стала  шчырае запрашэнне для будучых выпускнікоў далучыцца да філалагічнай сям’і.