Дзеці і дарослыя любяць водныя забавы. І ўсё ж варта памятаць: вада - гэта першым чынам небяспека, а не забаўка. Ад уважлівасці і падрыхтаванасці бацькоў напрамую залежыць жыццё і здароўе дзяцей. Па аператыўных звестках з пачатку года ў Рэспубліцы Беларусь ад утаплення загінуў 221 чалавек, у тым ліку 12 непаўналетніх. Выратавана 148 чалавек, у тым ліку 31 непаўналетні.
З пачатку года ў Камянецкім раёне ад утаплення загінулі 2 чалавекі.
МНС нагадвае! Адпраўляючыся з дзецьмі на адпачынак, растлумачце ім, як паводзіць сябе, каб не патрапіць у бяду. Не выпускайце іх з-пад увагі – заўсёды будзьце напагатове, бо дапамога можа спатрэбіцца малому ў любы момант. Маленькіх дзяцей трэба трымаць ад сябе на адлегласці выцягнутай рукі, бо ім дастаткова зусім няшмат часу, каб захлынуцца.
Не дазваляйце дзецям адным адпраўляцца на вадаём, ныраць з агародж або берагі і старайцеся спыняць свавольствы ў вадзе. Абавязкова растлумачце вашым дзецям, што трэба быць асцярожнымі і выконваць пэўныя правілы. Папярэдзіце, што плаваць можна толькі ў спецыяльна абсталяваных месцах, недалёка ад берага. Растлумачце дзіцяці, што не варта выхваляцца перад сябрамі ўменнем плаваць і ладзіць спаборніцтвы. Раскажыце аб небяспецы гульняў на вадзе: нельга хапаць за ногі, "тапіць", падаваць ілжывыя сігналы аб дапамозе. Навучыце дзіця, што калі нехта тоне, то трэба выклікаць ратавальнікаў па тэлефоне 101 ці 112.
разгарнуць » / « згарнуць